شەفەق نیوز/ شمارەیل وەزارەت تەندروسی لە حکومەت هەرێم کوردستان، ئمڕوو پەنجشەممە، داوەزین تۊشهاتن و مردنەیل ڤایرۆس کۆڕۆنا لە ماوەی ٢٤ سەعات گوزەشتە نشان دان.
وەزارەتەگە لە بەیاننامەیگ رەسیە ئاژانس شەفەق نیوز وت: تاقیگەیلی وە ماوەی ٢٤ سەعات گوزەشتە ٧٣٣٥ وەشکین ئەنجام دانە، لەناویان تۊشهاتن ١٢٧٣ کەس وە ڤایرۆسەگە ئاشکرا بۊیە.
بەیاننامەگە وتیش؛ لە خود ماوەگە ١٦٠١ خاسەوبۊین لە پەتاگە، شەش مردن لە گشت ناوچەیل هەرێم کوردستان توومار کریا.
بەیاننامەگە باس کرد ک گشت شمارەی ئەو کەسەیلەگ کەرەنتین تەندروسی کریانە رەسیە ٢١٨٧١ ، و تاقیگەیل وەزارەتەگە ٣٨٥٢٨٨٠ وەشکین ئەنجام دانە، لەناویان تۊشهاتن ٤١٢٤٩٣ کەس وە ڤایرۆسەگە ئاشکرا بۊیە، ٣٨٦٩٦١ بیمار لەناویان خاسەو بۊینە، و ٧٢٤٠ مردنە.