شەفەق نیوز/ وەڕیەوبەرایەتی کەشناسی هەرێم کوردستان، ئمڕوو جمعە، مەزەنەی کەشوهەوای ساعەتەیل ئایندە راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەزەنە کریەێد سوو شەممە، پلەی گەرمی داوەزیان گەورەیگ وەخوەی بوینێد، لە ٤ تا ٨ پلە لە پارێزگایل هەرێم کوردستان.
وتیش؛ تونی واگە لە چەن وەختیگ زیاتر گورجەو بوود.
دویەکە پەنجشەممە، پسپۆڕ کەشوهەوا ئاراس جەبار وت: پلەی گەرمی لە هەرێم کوردستان وەشیوەی وەرچەویگ لە سەرەتای هەفتەی ئایندە داوەزێد.
ئاراس لە بەیاننامەیگ رەسیە ئاژانس شەفەق نیوز وت: لە سەرتای هەفتەی ئایندە، وە دیاری لە رووژ شەممە ٣٠ ئەیلوول، لە ئەنجام ئەو وای سەردە کە لە دەریای چەرمگ ناوڕاس رەسێدە ناوچەمان، ئەوەسا پلەی گەرمی وەشیوەی وەرچەویگ لە ٣ تا ٤ پلەی سەدی داوەزێد، و کەشوهەوای ناوچەگە ئاڵشت بوود.