لە کۆنگرەیگ رووژنامەوانی کە ئاژانس شەفەق نیوز ئامادەبوی، محەمەد کەمال قسەکەر خوەنیشاندەرەیل راگەیان، گردەوبوین ناڕازایی بوینیان وەرانوەر وە ئەو سەرپیچیەس دەسڵاتدارەیل ئەنجامیدانە، وە دەرکردن فەرمان وەزاری دامەزرانن ماموسا وە گرێبەست و وە مووچەی 500 هەزار دینار لە یەکیگ لە لقەگان پەروەردەی پارێزگای سلێمانی.

دیاریکرد، ئیە وە گامیگ پیچەوانە دانریەێد، وەپای ئەوەگ هەوەجە کەێد دامەزرانن ئەرا ئەو ماموسا خوەبەخشەیلە بوود کە ماوەی فرەیگە خزمەتکەن لە پۆسەی خوەنیین، چەندین ساڵە  وەبی وەرانوەر.

وتیش، ئەو مانگردنەی لە ماوەی گوزەشتە کردنێ کۆتایی وەپی نەهاتیە کە ئەرا دانەمەزراننیان کردنێ، بەڵکم وەلایەن دەسڵاتیگ حیزبی کۆتایی وەپی هاوریا کە وەڕێوەبەرایەتی پەروەدە لە سلێمانی وەڕیوەبەێد، لەرێ ئەو پەستانەیلە ئەخریارە بان وانەبێژەیل وەلایەن ئیدارەی دامودەزگایەیل فێرکاری.