شه‌فه‌ق نيوز/ سه‌رچه‌وه‌يگ له پۆليس عراقى و شايه‌تحاڵه‌يل باس له‌وه كردن ريكخرياگ تيرۆريستى داعش په‌لامار ئاواييگ كورده‌يل كاكه‌يى داگه له قه‌زاى خانه‌قين له پاريزگاى دياله.
دويه‌شه‌و ديره وه‌ختيگ ريكخرياگ داعش په‌لامار ئاوايى "به‌هارى تازه" دان له مه‌رز قه‌زاى خانه‌قين كيشه له‌سه‌ر و بويه هووكار كوشيان پياويگ و كوڕيگى له كورده‌يل كاكه‌يى و زه‌خمداركردن 10 كه‌س تر و له‌ناونيانيش كارمه‌نده‌يليگ له هيزه‌يل ئه‌منى.
له‌ى باوه‌ته‌و، وه‌رپرسه‌يليگ سياسى و سه‌ركرده‌يل سه‌ربازى كورد باس له‌وه كردن ناوچه‌يل كيشه له‌سه‌ر له‌ناونى هه‌ولێر و به‌غدا بۆشاييگ ئه‌منى ديرێد له‌وه‌ختيگه‌و هيزه‌يل پێشمه‌رگه‌و ئاسايش له‌تيان كيشياسه‌و له‌دوياى رويداگه‌يل 16ى ئۆكتۆبه‌ر له‌ساڵ 2017 و جيگيربوين هيزه‌يل عراقى له‌تى.