شەفەق نیوز/ وەزارەت دارایی و ئابووری لە هەرێم کوردستان، ئمڕوو چوارشەممە، کلکردن لیست مووچەی فەرمانبەرەیل ئەرا مانگ شوبات ئەرا حکومەت فیدڕاڵی راگەیان.

وەزارەتەگە لە بەیاننامەیگ رەسیە ئاژانس شەفەق نیوز وت: لیستەگە وە دەس تیم هونەری سەروە وەزارەت دارایی و ئابووری لە حکومەت هەرێم کوردستان کلکریا، تا بەێدەی دەس وەزارەت دارایی لە حکومەت فیدراڵی.

 ریشەی قەیران مووچە لە هەرێم کوردستان چوودەو ئەرا ساڵ 2014، هەناێ ناکۆکی ناوەین حکومەت فیدراڵی لە بەغداد و حکومەت هەرێم کوردستان لەبان وەڕیەوبردن باوەت نەفت و بودجە بەرزەو بوی، وەگەرد کاریگەری جەنگ داعش و داوەزیان نرخ نەفت جەهانی، و بڵاوبوین پەنای کۆڕۆنا لە جەهان.