شەفەق نیوز/ سەرچەوەیگ لە وەزارەت دارایی و ئابووری حکومەت هەرێم کوردستان، ئمڕوو پەنجشەممە، ئاشکەرایکرد کۆتایی وە ئامادەکاریەیل لیست مووچەی مانگ تەمووز تەواو بویە ئەرا بەغداد کلکرێد.
سەرچەوەگە وە ئاژانس شەفەق نیوز وت، "هویربینی لیست مووچەی مانگ تەمووز گشت فەرمانبەرەیل کۆتایی وەپی هات و ئامادەی ئەلکترۆنییە ئەگەر گیچەڵ نیەێدە نوای، و کۆپی چاپکریاگەگەی کۆتایهاتیە و ئمڕوو ئەرا بەغداد کلكرێد".
حکومەت فیدڕاڵی، ئیوارەی سێشەممە، مووچەی هێزە ئەمنیەیل کلکرد بەڵام تا ئیسە ئەرا هێزە ئەمنیەیل سلێمانی و ئیدارەی گەرمیان خەرجنەکریاس لەوەر ئەو پەستانە گەپە رویوەروی بانکەیل حکومی بویە، و تا ئیسە بەغداد مووچەی مانگ حوزەیران وەزارەت کارەبا و سەرۆکایەتی پەرلەمان کوردستان کلنەکردیە.