شەفەق نیوز/ سەرچەوەیگ ئاگادار، ئمڕوو سێشەممە، خەوڵردا وەزارە دارایی فیدڕاڵی عراق لەماوەی سێ رووژ ئایندە مووچەی مانگ ئەیلوول /سبتەمبەر وەرین ئەرا هەرێم کوردستان کلکەێد، دیاریکرد وەرگەرد رەسین بڕەگە دەسوەجی بەشەوکرێد.
وەپای ئەو زانیاریەیلە دەس ئاژانس شەفەق نیوز کەفتیە دیوان چەودێری دارایی و وەزارەت دارایی عراق کۆتایی هاوردیە وە پرۆسەی هویردبینی لیست مووچەی فەرمانبەرەیل هەرێم کوردستان ئەرا مانگ ئەیلوول، مەزەنەکرێد لەماوەی ئێ هەفتە ئەو بڕە پویلە کلبکرێد.
سەرچەوەگە خەوەردا، لەدویای ئەوەگ حکومەت هەرێم کوردستان ئەو بڕە پویلە لە بەغداد وەرگرێد، وە دەسمیەتی داهات ناوخوەی هەرێم دەسکەێدە بەشەوکردن مووچەی فەرمانبەرەیل.