شەفەق نیوز- هەولێر

وەزارەت دارایی و ئابووری لە حکومەت هەرێم کوردستان، ئمڕوو دووشەممە، خەوەردا لە دابینکردن دارایی مووچەی مانگ ئاب ئەرا فەرمانبەرەیل و وەرگرەیل مووچە لە هەرێم کوردستان.

 وەزارەتەگە لە بەیاننامەیگ رەسیە ئاژانس شەفەق نیوز، دیاری کرد کە "بڕ (831,666,000,000) دینار خریاسە ناو هەژمار بانکی وەزارەت دارایی و ئابووری لە هەرێم کوردستان لەلای لق هەولێر ئەرا بانک ناوەندی عراقی، چۊ دابینکردنیگ دارایی ئەرا مووچەی مانگ ئاب ئەرا فەرمانبەرەیل و وەرگرەیل مووچەی هەرێم کوردستان.

دیاری کرد کە "وەزارەت دارایی فیدراڵی بڕ (120,000,000,000) دینار لە گشت دابینکردن دارایی مووچەیل بڕیە، وەو شیوە کە بەش خەزینەی فیدراڵییە لە داهاتەیل نانەفتی ئەرا هەرێم کوردستان ئەرا مانگ ئاب، لە شان کلنەکردن بڕ (6,030,166,545) دینار لە دابینکردن دارایی مووچەی مانگ ئاب، کە ئەو بڕەس کە شایستەی مووچەی خانەنشینەیل مەدەنی و سەربازییە ئەرا مانگەیل گوزەشتە".

 دارایی کوردستان دووپات کرد: "دۊای تەواوکردن رێکارەیل و وەرگردن بڕەگە وە نەختینە لە لق هەولێر ئەرا بانک ناوەندی عراقی، وە راسەوخۆ لیستەیل مووچە بڵاو کریەێد، و بەشەوکردن مووچەی مانگ ئاب لە نزیکترین وەخت گونجیاگ دەس وەپی کەێد".