شەفەق نیوز/ محەمەد شوکری سەرۆک دەسەی وەبەرهێنان لە هەرێم کوردستان، ئمڕوو چوارشەممە، ئمساڵ 2023 کە وەرەو کۆتایی چوود وە "نموونەی لە مژار وەبەرهێنان" وەسف کرد ئاشکەرایکرد مووڵەت وە 151 پرۆژە دریاس و نزیکەی 10 هەزار دەرفەت کار لە هەرێم مسۆگەر کریاس.
شوکری لە کۆنگرەیگ رووژنامەوانی کە ئمڕوو لە هەولێر سازکریا و ئاژانس شەفەق نیوز ئامادەبوی راگەیان، رێکارەیل مووڵەت داین لە ئایندە زیاتر ئاسانکاری ئەرای ۆرێد چوینکە دەسڵات پرۆژەیل وەبەرهێنان ئیرنگە لە لای پارێزگایەیل و ئیدارەیل ناوخوەییە لە هەرێم کوردستان.
وتیش دەسەی وەبەرهێنان ئاسانکاریەیل ترەک پێشکەش کەێد کە بەرهەمهاورەیل توەنن وە زویترین مەوقە مووڵەت وەربگرن و دەسبکەن وە کارکردن و خزمەت میلەت کوردستان بکەن.
سەرۆک دەسەی بەرهەمهاوردن وتیش، 151 پرۆژەگە زیاتر لە 10 هەزار دەرفەت کار نوو ئەرا هاوڵاتیەیل هەرێم دابینکردیە.