شەفەق نیوز- وەدویاچگن

کومپانیای "دی. ئێن. ئۆ"ی نەرویجی، رووژ چوارشەممە، راگەیان لە بەرزەوبۊن فرووشەیلی لە نەفت خاو لە هەرێم کوردستان عراق ئەرا نزیکەی دوو ئەوەنە لە ماوەی چارەگ سێیەم، هاوەخت وەرد دەسکردن وە کارەیل بەرهەمهاوردن لە هەرێم لە کۆتاییەیل حوزەیران گوزەشتە، دۊای وسانی وە مدووەیل ئەمنی.

 کومپانیاگە، لە ئەنجامەیل کارکردنی ئەرا چارەگ سێیەم وت، کە فرووشەیل نەفت خاو لە کوردستان بەرزەو بۊە ئەرا 28 هەزار و 58 بەرمیل هاوتای نەفتی رووژانە، لە بەراورد وە 14 هەزار و 449 بەرمیل هاوتای نەفتی رووژانە لە چارەگ سێیەم لە ساڵ 2025، لە وەختیگ فرووشەیلە سفر تومار کردۊن لە چارەگ دووەم لە ساڵ 2026، وەپەی ئاژانس "رۆیتەرز".

وتیش کە نرخەیل نەفت وەدیهاتگە لە هەرێمەگە بەرزەو بۊە ئەرا 38.5 دۆلار ئەرا هەر بەرمیلیگ، لە بەراورد وە 31.2 دۆلار ئەرا هەر بەرمیلیگ لە چارەگ سێیەم لە ساڵ گوزەشتە.

لەی چوارچیوە، سەرجەم بەرهەمهاوردن لە هەردوگ کێڵگەی تاوکی و فیشخابوور نەفتی کە کومپانیاگە لە هەرێم کوردستان کار وەپی کەێد بەرزەو بۊ ئەرا 73 هەزار و 219 بەرمیل رووژانە، لە وەراورد وە 46 هەزار و 572 بەرمیل رووژانە.

 "دی. ئێن. ئۆ" دەس کردەو وە بەرهەمهاوردن لە کوردستان لە کۆتاییەیل حوزەیران، دۊای هەڵپەساردن کارەیل وە مدووەیل ئەمنی کە هاتە دۊای پەلامارەیل ئەمریکی و ئیسرائیلی لەبان ئیران لە کۆتاییەیل شوبات.