شەفەق نیوز/ دەسەی ئاڵشتکردن سلێمانی ئەرا هەرێمیگ جیواز لەو پارێزگایل هەرێم، ئمڕوو شەممە، دووارە داواکردنیان وە جیوەجیکردن بۆچوونەگە نووەو کردن، و ئاماژە کردن ک حزبە کوردستانیەگان ئی بۆچوونە رەت کردن.

بەیار عومەر وەرپرس دەسەی ئەنجومەن داواکاریەیل هەرێم، و سەرپەرشتیارەیل کۆنگرەگە ک ژمارەیان رەسێدە ١٠ کەس، لە کۆنگرەیگ رۆژنامەوانی لە بارەگای دەسەگە لە شار سلێمانی و ئاژانس شەفەق نیوز ئامادەی بوی وت: دەسەگە داوای ئاڵشتکردن سلێمانی ئەرا هەرێمیگ جیواز لەو پارێزگایل هەرێم کەێد و ئەو داواکارییە لە ساڵیگ وەرجەیە دویاخریاگە، و ئیسە داواکاریمان وە هەرێمکڕدن لە بنەمای دەستور و یاسا نووەو کەیمن.

عومەر ئاماژە کرد ک ئیسە هەرێم رەد بوودە گرفتەیل گەورایگ لەناوبەین بەغداد و هەولێر، و هەمیش گرفتەیلیگ ناوخۆیی.

لەباوەت رای حزبە کوردەگان لە داواکاری هەرێم وت: حزبە کوردستانیەگان بۆچوونەگە رەت کردن.