شەفەق نیوز/ چوارەمین ڤیستواڵ وەهار لە قەزای چەمچەماڵ سەر وە پارێزگای سلێمانی دەسوەپی کریا، وە بەشداری زیاتر لە 100 بەرهەم کشاوەرزی و دەسکرد ناوەخوەیی وە جەماوەر فرەیگ ئامادەبۊن.  

پەیامنێر ئاژانس شەفەق نیوز وت، " ڤیستواڵەگە ئەرا ماوەی یەک هەفتە وەردەوامە و ئامانجیان گاڵداین بەرهەم خوەمانیە و مسۆگەرکردن بازاریگ ئەرا فروشتن ئی بەرهەمە کشتوکاڵی و پیشەسازیەیلە. 

مەریەم محەمەد یەکیگە لە بەشداربۊیەیل ڤیستواڵەگە وە ئاژانس شەفەق نیوز وت، " ڤیستواڵ یەکیگە لە دەرەیل بازاڕیکردن بەرهەمەیل ناوخوەیمان لە سابون و شامپۆ  وە گرنگە ئەرامان بەرهەمەیلمان خەیمنە رۊ ئەرا بسینەیل وە شیوەی راستەوخۆ وەگەرد بڵاوکردن رووشنهۊری پشتگیری بەرهەمیل نیشمانی وە بەراورد وەگەرد شتوومەکەیل ک لە بازاڕەیل هەس.   

وتیش ئی ڤیستواڵە دەسمیەتی خێزانەیل دەێد پێداوستیەیل مانگ رەمەزان بسینن.  دەر ڤستیواڵەگە لە ساعات دەی شەوەکی وازە تا هەفت ئیوارە و لە ڤیستواڵەگە بڕیگ لە کارەیل دەسڕەنگینی هونەری و روشنهۊری خرێدە رۊ.