شەفەق نیوز/ وەڕیەوبەرایەتی پولیس پارێزگای هەولێر پایتەخت هەرێم کوردستان، ئمڕوو شەممە، دەسگیرکردن ئەو پیاوە راگەیان ک دویەکە دویەتەگەی لەناو ماڵ وەسێدارەدان کوشتیە، دیاری کرد ک توومەتبارگە وەرجە کوشتن دویەتەگەی شکەنجەی داگە.
موقەدەم هۆکەر عەزیز قسەکەر پولیس لە کۆنگرەیگ رووژنامەوانی ئاژانس شەفەق نیوز ئامادەی بوی وت: هیزەیل ئەمنی دویای رەسین ئاگاداری وە ناوانەگە، روی کردنە شوین رویداوەگە وە زویترین وەخت و دەسکردنە لێکۆڵینەوە، و دەرکەفت کابرایگ وەناو (ب، ف، ع) لە تەمەن ٣٥ ساڵان دویەت ١٤ ساڵان خوەی وەناو (رەها) وەشیوەیگ قیزەوەن کوشتیە، و وەرجە کوشتنی شکەنجەی داگە.
وتیش: هیزەیلمان لەناو شار هەولێر و دەورگردی ئەرا دەسگیرکردن بکوشەگە بڵاو بوین، باوجی بکوشەگە خوەی دادە دەس پولیس، وتیش: لێکۆڵینەوە واز کریا تا هەواڵەی دادگا بکریەێد.