شەفەق نیوز ـ دهۆک

سەرچەوەیگ ئەمنی، ئمڕوو پەنجشەممە، خەوەردا لە کوشیان دویەت 20 ساڵانیگ وە دەس براگەی لە ناوچەی دومیز باشوور پارێزگاگە.

سەرچەوەگە وە ئاژانس شەفەق نیوز وت، برای قوربانیەگە 28 ساڵ تەمەنیە لەری دەوانچە خوەشکەگەی لەناو ماشین کوشتیە وەرجە ئەوەگ تەرمەگەی بشارێدەو.

وتیش؛ هێزەیل ئەمنی توەنت دویای وەدویاچگن تەرم قوربانیەگە پەیابکەێد و گومان لێکریاگ دەسگیربکەێد.

 دیاریکرد، لە لێکوڵینەوەی چۆنیەتی تاوانەگە ئاشکرابوی لە دویای دان وەپینانەیل توومەتبار وە تاوانەگە، وتیش، دۆسیە ئەرای وازکیا وەپای مادە 406 لە یاسای سزادان عراقی، رێکارەیل یاسایی و لێکۆڵینەوە لەبان رویداوەگە وەردەوامە.