عەمید موقداد میری قسەکەر وەزارەت ناوخۆ، لە کۆنگرەیگ رووژنامەوانی پەیامنێر ئازانس شەفەق نیوز ئامادەی بوی وت: دەسگیرکردن ئەو توومەتبارەیلە وە ئۆپراسیۆنیگ جویری و وەشوینکەفتن هویرد و تەقەلای جیاواز و هەماهەنگی ناوەین وەزارەت ناوخۆی فیدڕاڵی و وەزارەت ناوخوەی هەرێم کوردستان هات، و دیاری کرد کە ئەوانە لایەنگر پەکەکە بوینە.
لە وەڵام پرسیار پەیامنێر ئاژانس شەفەق نیوز، میری وت: شمارەی ئەوانەگ دەسگیر کریانە ٣ کەس بویە، و هانە ژیر لێکۆڵینەوە لە ئاژانس هەواڵگری فیدراڵی و ئەوەشا دادکاری کریەن.
وتیش: دوو توومەتبار لە پارێزگای کەرکوک دەسگیر کریان، و یەکیگیش لە پارێزگای دیالە.
وتیش: ئاگرەیل وەشیوەیگ دروس کریانە کە وە ئاسانی ئاشکرا نەکریەن، کە جویریگ خەویر کیمیایی نریەێدە ناو پاکەت شیرینی، و دویای چەن ساعەتیگ ئاگر گرێد، دیاری کرد کە زەرەدەیل وە ملیۆنا دۆلار مەزەنە کریەن.
وەگورەی قسەی توومەتبارەیل، پلان داڕشتن دوو دەوڵەت هاوڕا بکەنە ئامانج، و تواستنە کڕ نەفت جیهان بکەنە ئامانج.
عەمید میری وتیش: ئەو کەسەیلە پلان داشتنە بازاڕەیل لە شار سەدر و شۆرجە و ناوچەیلیگ ترەک بکەنە ئامانج، هەمیش ناوچە و کڕەیل کارەبا لە هەولێر.