شەفەق نیوز/ وەڕێۆبەرایەتی دژە هووشبەرەگان لە هەولێر پایتەخت هەرێم کوردستان، ئمڕوو دووشەممە، راگەیان لە چالاکیەگانی لەماوەی ساڵ ٢٠٢٠، و ئاماژە کرد لە دەسگیرکردن ١١٣٣ توومەتبار و دەسناین وەبان ٥٥٥ کێلوگڕام لە مادە هووشبەرەگان لە گشت هەرێمەگە.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت: ١١٣٣ کەس وە توومەت بازرگانی وە هووشبەرەگان کریاگە، و ٨٨ لەلیان مەرەقەز کریانە، بەڵکم باوەتەیلیان لە دادگاگان وەردەوامن، و ئاماژە کرد ک توومەتەگان ئەرا ٩١٦ کەس ئاڕاستە کریاگە، و ٥٧ لەلیان لەوەر کەمی بەڵگەگان مەرەقەز کریانە، و هەمیش ٧١ کەس وە بڕیار دادگای سنوور زیندان کریانە.
بەیاننامەگە وتیش؛ دەسنریاسە بان ٥٥٥ کێلوگڕام لە مادە هووشبەرەگان لە هەرێم وە جووراجور چینەگانی لە هیڕۆوین و تلیاق و کریستال و حەشیش و جامایکا بوین ر و دیاریکرد ک دەسنریا بان ٢٧٣٤ لە حەپە هووشبەرەگان وە جووراجور چینەگانی.
دەربارەی پویلە دروکانیەگان، بەیاننامەی وەڕێۆبەرایەتیەگە وت: دەسنریا بان ١٠ مەلیۆن دینار عراقی و ٦٥ هەزار دۆلار ئەمریکی و سەد هەزار یۆڕو، و هەمیش ئاماژە کرد دەسنریا بان ٨٢ چەک کلاشینکۆف و ٢٩ دەوانچە وەگەرد یەک قەناس و یەک بڕنەو و تفەنگ راوییگ و ٩ دووربین.