شەفەق نیوز/ وەڕێوەبەرایەتی رویوەڕویبوین مادەیل هووشبەر سەر وە دەزگای ئەمنی ئاسایش هەرێم کوردستان راگەیان، سێ بازرگان مادەی هووشبەر دەسگیر کردنە 5کیلوگرام مادەی کریستال وەپی بویە.
وەڕێوەبەرایەتیەگە لە بەیاننامەیگ وت، " لەدویای رەسین زانیاری لەماوەی چەن رووژ گوزەشتە کە پەنج کیلوگرام مادەی کریستال هووشبەر ئەرا شار هەولێر هاوریایە ئەرا فروشتنی وەڕێوەبەرایەتیەگەمان تیمیگ رێکخست و توەنست دیاری شوین دوو بیانی بکەێد لەناو یەکیگ لە هۆتێلەگان.
وەڕێوەبەرایەتیەگە وتیش، "لەدویای دەرچگن بڕیار دادوەر لێکۆڵەر ئاسایش، هێزەیلمان توەنستنە سێ کەس دەسگیربکەن و دەسبگرن وەبان 5 کیلوگرام مادەی کریستال کە وەپیان بویە کە وە قایمی لەناو ماشینەگەیان شاردوینەوەی".