شەفەق نيوز/ لە شار هەولێر پایتەخت هەرێم کوردستان، شەوەکی ئمڕوو چوارشەممە، دەسکریا وە رسوومەیل "رووژ نماز نیشتمانی"، لە ژیر دروشم  "وەرەو یەکخستن لە باوەڕ".

لەی رسوومەیلە مەسعود بارزانی ریبەر کورد، نێچیروان بارزانی سەرۆک هەرێم کوردستان، مەسرور بارزانی سەرۆک حکومەت هەرێم کوردستان ئامادە بوون.

 بەیان سامی عەبدولڕەحمان خانمە سڵاکار سەرۆک حکومەت هەرێم کوردستان وە وتاریگ پیشوازیکردن لە میوانەیل دەسوە رسوومەیل کرد.

 لە ئەنجامدان ئی رسوومەیلە شمارەی فرەیگ لە گەورە وەرپرسەیل و سەرکردەیل عراق و هەرێم کوردستان و دەوڵەتەیل جیهان، و نویسەرەیل حکومەتەیل ئەمریکا و ئەوروپا و خوەرهەلات ناوڕاس بەشداری کەن.

  ئی رسوومەیلە ئەرا نەمرکردن ئەرزشەیل وەیەکەوژیان ناوەین ئاین و نەتەوەیل جویراجویر لە هەرێم کوردستان تیەێد.

لەو نماز و نزایەیل هاوبەشە، گشتی سوپاس لە خودا کەێد ئەرا ئی ئاشتیە لە کوردستان، و دووپات کەن لە پشتگیریکردن یەکێتی گەلەیل و ئەرزشەیل برایەتی مرۆیی.

  جی باسە کە ئی کارە یەکەمین جارە لە هەرێم کوردستان وەڕیەو بچوود، لە ماوەی 22 تا 25 نیسان/ئەپريل 2025، لە ژیر دروشم (وەرەو یەکخستن لە باوەڕ).