پەیامنێر ئاژانس شەفەق نیوز وت: فیستواڵەگە لە کۆمەڵگەی بریڤاکا لە ناحیەی کانی ماسی لەبان سنوور قەزای عمادیە باکوور دهۆک دەسوەپی کرد، وە بەشداریکردن ٥٠ کشاوەرزە لە ناوچەیل ناو هەرێم کوردستان و دەیشتی، کە چینەیل میوە و بەرهەمەیل کشتوکاڵی هشکەوکریای جویر سیف و ئەنار و ئەنویر نمایش کریا.
ئەمجەد کفرکی، یەکیگ لە سەرپەرشتیارەیل فیستواڵەگە ئەرا ئاژانس شەفەق نیوز وت: ئامانج سەرەکی لەی فیستواڵە، هاوردن بەرهەمهاور و بازرگانەیلە ئەرا وازکردن پڕۆژەیل کشتوکاڵی و کارخانەیل قوتینەری بەرهەمەیل کشتوکاڵی ئەرا ناوچەگە.
وتیش: یەیش لە تەقەلای حکومەت هەرێم کوردستان تیەێد ئەرا قایمکردن کەرتەیل کشتوکاڵی و گەشتوگوزاری لە ناوچەگە.
کفرکی وتیش: جەنگ سەربازی ناوەین هیزەیل تورکیا و چەنگاوەرەیل پەکەکە کاریگەری گەورەیگ لەبان کەرت کشتوکاڵی و گەشتوگوزاری لەناوچە کردیە، کە بەرهەمیان هاوردە نیمە.
دیاری کرد کە فیستواڵەگە ئەرا ماوەی سێ رووژ وەردەوامە، و هاتن فرەیگ وەلایەن خەڵک ناوچەگە و سەردانکەرەیل لە ناوچەیل جیاجیایل هەرێم کوردستان وەخوەی دی.