رەوا ئەحمەد ئەندام لیژنەی ئامادەکاری ڤیستیوالڵگە وە ئاژانس شەفەق نیوز وت، ڤیستیوالەگە وە بەشداریکردن کۆمپانیا ناوخوەیی و ناودەوڵەتیەگان تایوەت وە خوەراکە لەناو پارک "هەووار شار" لە سلێمانی. 

وتیش، نزیکەی (80) چێشتخانە و کۆمپانیای خوەراک و مارکەیل جەهانی بەشداری خوول سێیەم ڤیستیوالەگە کردنە وەگەرد ئامادەبوین جەماوەر گەپیگ.

دووپاتکرد ڤیستیواڵەگە شانسیگ دایە وە بەشداریکردن وڵاتەیل عەرەبی و کۆمپانیا ناوخوەیەگان لە پارێزگا جیاوازەیل  وڵاتەگە، کە تایوەتن وە خوەراک، ئیەش پاڵپشتی و ناسان بەرهەمە خوەراکی ناوخوەیەگانە وەتایوەت کوردی.

ئاشکەرایکرد "بەشداربویەیل لە ناو ڤیستیواڵەگە جویرەیل جیاواز خوەراکەیل کوردی و عەرەبی پیشکەش کەن، بیجگە لە وەجبەیل سەرەکی یا لاوەکی، موقەبیلات و جورەیل جیاواز لە شیرینی" دیاریکرد " لیژنەی دادوەری تام یەکەم هەڵوژێرێد جویر چاپ یەکەم لە ئەندامەیل کۆمەڵەی ئاشپەزەیل لە عراق".

وتیش: مەزەنەکرێد لەماوەی دوو رووژ زیاتر لە دە هەزار گەشتیار لە سلێمانی و وڵاتەیل ترەک سەردانی بکەن.