شەفەق نیوز/ ئمڕوو دووشەممە، شار سلێمانی بەسین کۆنفرانسیگ زانستی وەخوەی دی لەژیر ناونیشان “ڕۆڵ راگەیانن لە وەیەکەوژیان کۆمەڵگا”، وە بەشداری نەختینەیل ئەکادیمی و رووشنهویری و پسپۆڕەیل ڕاگەیانن.
کۆنفرانسەگە لەلایەن ریخریاگ شار وەڕیەو چگ، و رووشنایی خستە بان گرنگی میدیا جویر ئامرازیگ کاریگەر ئەرا بەرزکردن لەیەکفامسنن لە ناوەین پێکهاتەیل کۆمەڵگا و چەسپانن بەهای وەخشین و وەیەکەوژیان ئاشتیانە.
دانا جەمال، سەرۆک ریخریاگ "شار" ئەرا ئاژانس شەفەق نیوز وت: "میدیا ڕۆڵیگ سەرەکی رانێد لە بیناکردن کۆمەڵگەی ئارام، وەتایبەتی لە کۆمەڵگە هەمەچەشنەیل کە تەقەلای خەسیگ خوازن ئەرا وەرەونوابردن گفتوگۆ و لەیەکفامسنن ناوەین گشت لایەنەیل".
جەمال وتیش: کۆنفرانسەگە تەقەلا دەێد تەمەی پراکتیکی بخەێدەڕوی کە بەشدار بوود لە ئاراستەکردن میدیا وەرەو نواخستن وتار ئەرێنی و فرەچەشنی کولتووری، دووپاتیش کرد کە ئی تەقەلایلە بیناکردن کۆمەڵگەیگ یەکگردگ و وەەردەوام خوازن.
وتیش: ئی کۆنفرانسە لە چوارچیوەی پەرەسەنین گرنگی میدیا تیەێد جویر ئامرازیگ سەرەکی پەیوەندیکردن لە جەهانیگ کە زیایبوین سەختیەیل لەوەر گرژییە کۆمەڵایەتییەیل وەخوەی دوینێد، رۆڵ میدیا گرنگییگ تایبەتی دیرێد لە ەەرەونت وەیەکەوژیان ئاشتیانە، وەتایبەتی لەو بوارەیلە کە وەدەس هەمەڕەنگی نەتەوەیی و ئایینییەو ناڵن، کە میدیایل توەنن بەشداری بکەن لە چارەسەرکردن ناکۆکی و بڵاوکردن کولتوور لەیەکفامسنن.
هەرلیوا، کۆنفرانسەگە گوزارش لە بەرژەوەنی سلێمانی کەێد، جویر ناوەندیگ رووشنهویری و ئەکادیمی، ئەرا پرسە کۆمەڵایەتییەیل و بەرزکردن هاوکاریی ناوەین میدیا و دامەزراوەیل رووشنهویری ئەرت پاڵپشتیکردن سەقامگیری و گەشەپیدان.