شەفەق نیوز/ وەرجە کەمیگ دەسکریا یەکەم گردەوبوین فەرمی ناوەین هەردوگ لایەن سەرەکی هەرێم کوردستان عراق،  لە شار سلێمانی، دویای هەڵوژاردن پەرلەمان کوردستان کە لە مانگ تشرین یەکەم گوزەشتە وەڕیەو چگ، وە ئامانج گفتوگۆکردن لەبان دروسکردن حکومەت نوو هەرێم کوردستان.

 ئی گردەوبوینە دویای ئەوە تیەێد کە نێچیروان بارزانی سەرۆک هەرێم کوردستان، وە فەرمانیگ هەرێمیی، داوا لەو لایەنە سیاسیەیلە کرد کە لە هەڵوژاردن پەرلەمان سەرکەفتنە تا لە دویەم مانگ کانوون یەکەم ئایندە یەکەم دانیشتن پەرلەمان ئەنجام بیەن.

 ئەو سەرچەوە ئەرا ئاژانس شەفەق نیوز وت: گردەوبوین پارتی دیموکراتی کوردستان وەگەرد یەکێتی نیشتمانی کوردستان لە سلێمانی دەسوەپی کرد، کە لەناوی باس لە پرس دروسکردن حکومەت نوو کریەێد.

 گردەوبوینەگە لە بارەگای مەکتەب سیاسی یەکێتی لە شار سلێمانی وەڕیەو چوود.

 ئەنجام هەڵوژاردن پەرلەمان هەرێم؛ پارتی وە ٣٩ کورسی پلەی یەکەم وەدەس هاورد، یەکێتی وە ٢٣ کورسی پلەی دویەم هاورد، نەوەی نوێ وە ١٥ کورسی پلەی سێیەم هاورد، یەکگرتووی ئیسلامی کوردستانیش هاتە پلەی چوارەم وە 7 کورسی، و هەڵوێست لە پلەی پەنجەم وە 4 کورسی، کۆمەڵەی دادپەروەری وە 3 کورسی کەفتە پلەی شەشەم، و بەرەی گەل لە پلەی هەفتەمر  بزووتنەوەی گۆڕان وە دوو کورسی پلەی هەشتەم هاورد وە یەک کورسی، هاوپەیمانی کوردستانیش وە یەک کورسی کەفتە پلەی نۆهەم.