شەفەق نیوز/ وەڕێەوبەرایەتی  هاتوچو لە ئیدارەی گەرمیان، ئمڕوو یەکشەممە، راگەیان بڕیگ کەس پەلامار ترافیک لایتەیل هاتوچو دانە لە کۆتایی بازی مابەین دو  یانەى وەرزش، لە یەکیگ لە یاریگایەیل قەزای کەلار ک پەنجشەممەی گوزەشتە وە وەڕیەو چی ، فرمان دەسگیرکردنیان دەرچگە.  

وەڕێەوبەرایەتیەگە ئمڕوو لە بەیاننامیگ وت، " بریگ کەس وە ناو " هاندەریل" لە دۊای کۆتایی هاتن بازیەگە پەلامار ماڵ گشتی دانەلە ک بریتین لە ( کەرەستەیل هاتوچو و ترافیک لایتەیل) وتیش ئەو کەسەیلە 15 چراخ ترافک لایت شکاننە لە نزیک یەکیگ لە مەیدانەیل نزیک یاریگاگە ک دۊرە لە گشت بەهایل نشتمانی.  

ئاشکەرای کرد ، هەر وەی مدوویە سکاڵای یاساییان لە دژی ئەنجامدەرەیل ئەو کارە توومار کردنە لە دادگای لێکۆڵینەوە دادوەر لێکۆڵینەوە کۆنۊس ئەرا کەیسەگە کردیە و وەگورەی مادەی ( ٤۷۷ ) لە یاسای سزادان عراقی ژمارە ( ۱۱۱ ) ساڵ ( ۱۹٦۹ ) فەرمان دەسگیرکردن ئەرا شمارەیگ لەو کەسەیلە دەرکرد .