شەفەق نیوز/ وەڕێەوبەرایەتیی پۆلیس لە ئیدارەی ناوچەی سۆران لە هەرێم کوردستان، ئمڕوو جومعە، خەوەردا لە دەسگیرکردن سێ کەس ئیرانی وە تۆمەت خەڵەتانن لە بازرگانیگ و دزیکردن دارایەیلی وە پۊیل گران و ناوەخوەیی.   

پۆلیس لە بەیاننامیگ رەسیە ئاژانس شەفەق نیوز وت: نوسینگەی نەهیشتن تاوان  سۆران لە بڕوار 9 - 1- 2021 ئاگادارکریا لە کەسەیلیگ وە رەچەلەک ئیرانی هەڵسیانە وە خەڵەتانن  خاوەن دوکانیگ بڕ 1500 دۆلار ئەمریکی یەک ملیۆن دینار عراقی دزینە، مەفرەزەیل نوسینگەگە لەماوەی لیکۆلینەوەیلیان تۊنستن ناسنامەیلیان  و شۊین دانشتنیان دیاری بکەن دەرچگە لە قەزای  شەقڵاوە دانیشتنە.   

وتیش، دۊیەشەو تاوانبارەیل دەسگیر کریانە  وە هاوکاری وەگەرد بنکەی پۆلیس شەقلاوە دەرچگە کەسیگتریش ها وەگەردیان ئەویش وەگەردیان دەسگیر کریا دەسنانە بان بڕیگ پۊیل، بڕیگتریش لەلایان بۊیە، و دیاریکرد لێکۆڵینەوە تا ئیسە وەگەردیان وەردەوامە.