شەفەق نيوز/ ڕێبەر ئەحمەد، وەزیر ناوخوەی هەرێم کوردستان، ئمڕوو سێشەممە، دووپات کرد لە پابەندبوین حکومەت هەرێم کوردستان وە جیوەجیکردن بەندەیل رێککەفتن شنگال کە وەرد حکومەت فیدراڵی واژوو کریاس.

ئەوەیش لە وتاریگ لەناو کۆنگرەی زانستی یەکەم لەباوەت ئێزدیەیل هات کە لە زانکۆی دهۆک وەڕیەو چوود و تا ماوەی دوو رووژ وەردەوامە.

ڕێبەر ئەحمەد لە وتارەگەی وت: رێککەفتن شنگال دویرخستن گرووپە چەکدارەیل و میلیشیایەیل لە قەزای شنگال کەێدە ئامانج، و پتەوکردن دەسەڵات ئاسایش و ئارامی و یاسا لەی ناوچە، وتیش: ئی رێککەفتنە چوارچیوەس ئەرا گلەوخواردن خیزانە ئاوارەیل یل ئێزدی ئەرا میلکان خوەیان.

 وتیش؛ لێرا دووپات لە پابەندبوین حکومەت هەرێم کوردستان وە جیوەجیکردن ئی ڕێککەفتنە کەم، و ئومید خوازیمن لە حکومەت فیدراڵی وەرپرسایەتی راسگانی خوەی لەی باوەتە وەجی بارێد، تا وەڕیەوبەرایەتییگ شەرعی لە شنگال بوینیمن، و هیزەیل ئەمنی مقیەتی قەزاگە بکەن.

جی باسە کە بەغداد و هەولێر لە 9ی تشرین یەکەم 2020، رەسینە رێککەفتن ئەرا گونجانن رەوشەیل لە شنگال، کە ئویشێد قەزاگە لەلایەن ئیداری و ئەمنی و خزمەتگوزاری وەشیوەیگ هاوبەش وەڕیەو بریەێد، وەلێ تا ئیسە ئی ڕێککەفتنە نەڕەسیە ئاست جیوەجیکردن.