شەفەق نیوز/ سەرچەوەیگ ئاگادار لە وەزارەت دارایی هەرێم کوردستان، ئمڕوو شەممە، خەوەردا کە وەزارەتەگە تا ئیسە لیست مووچەی مانگ تشرین یەکەم ئەرا وەزارەت دارایی فیدڕاڵی لە بەغداد کل نەکردیە، کە چەوەڕی ئی لیستەیلە کەێد تا هوبربوینی ئەرایان بکەێد وەرجە کلکردن پویل ئەرا هەرێم کوردستان.
سەرچەوەیلیگ ئاگادار لە وەزارەت دارایی هەرێم ئەرا ئاژانس شەفەق نیوز وتن: لەی هەفتە لیستەیل کل کریەن.
سەرچەوەیل دیاری کردن کە ئی دیرکەفتنە لەسای دەسکردن وەزارەت دارایی عراق وە هویردبوینی لیست مووچەی فەرمانبەرەیل هەرێم کوردستان ئەرا مانگ ئۆکتۆبەر کەێد، لە وەختیگ فەرمانبەرەیل هەرێم چەوەڕی مووچەیان کەن.
مەزەنە کریەێد ریکارەیل هویردبوینی و هەواڵەکردن لە بەغداد ئەرا هەرێم کوردستان چەن رووژیگ وەپی بچوود دویای وەرگردن لیستەیل، کە نشان دەێد هاتێ خەرجکردن مووچەی فەرمانبەرەیل هەرێم کوردستان تا سەرەتای مانگ ئایندە دەسوەپی بکریەێد.
سەرچەوەیل لە وەزارەت دارایی هەرێم وتن: دیر کلکردن ئەو مووچەیلە ئەرا بەغداد لەوەر ریکارەیل دووارەنووڕین ناوخوەیی تیەێد، و دووپات کرد کە وەزارەتە کار ئەرا تەواوکردن کارەیل خەرجکردن مووچەی ئۆکتۆبەر لە سەرەتای مانگ ئایندە کەێد.