شەفەق نیوز - وەدویاچگن 

سەرچەوەیگ خەوەردا کە بڕیارە لە چوارچیوەی تەقەلایەیل جیوەجی رێککەفتن ١٠ی ئازار، کلکریاگ تایبەت ئەمریکا لە سوریا، تۆم باراک، ئەحمەد شەرع، سەرۆک سوریا، و مەزلوم عەبدی فەرماندەی هیزەبل سوریای دیموکرات (هەسەدە) گردەوبوینیگ وەیەکەو ئەنجام بیەن، ئەو سەرچەوە ئاشکرا کرد کە هاتێ بەشیگ لە بڕگەیل رێککەفتنەگە لەبان داوای هەسەدە هەموار بکرێد.

رێککەفتن 10ی ئادار کە لە ناوەین هیزەیل (هەسەدە) و دیمەشق ئەنجام دریاس، یەکخستن دامودەزگا مەدەنی و سەربازییەیل ئیدارەی خوەیسەری کورد لە دەوڵەت سوریا دیاریکەێد.

کەناڵ سوریا تیڤی لە زار ئەو سەرچەوە بڵاو کرد کە لە چەن رووژ بانان باراک گردەوبوین سەرەتایی وەرد عەبدی ئەنجام دەێد، ئمجا گردەوبوین سێیانی ئەنجام دریەێد، وەبی دیاریکردن شوینەگە.

لەو دیدارە رووشنایی خریەێدە یان جیوەجیکردن خاڵەیل رێککەفتنەگە، کە لەناوی تێکەڵکردن قەسەدە و دامودەزگایلی وە ئیدارەی دەوڵەت سوریا دیاری کریاس.

ئەو سەرچەوە وتیش: هاتێ بەشیگ خاڵ لەبان داوای هەسەدە وە رێککەفتن وەرد واشنتۆن هەموار بکرێد، لەوەگ پەیوەندی وە جیوەجیکردن  دیاریکریای لە کۆتایی ئمساڵ و داواکارییەیل کوردەیل سوریا دیرن.

وتیش: فەرەنسا پەیوەندی  وە ە ئەمریکاوە کردگە ئەرا سپۆنسەرکردن جیوەجیکردن رێککەفتنەگە و ریگریکردن لە هەر جویرە پەرەسەننیگ لەبان زەوی.

بیجگە لە رێککەفتن مانگی ئازار، بڕیارە نوێنەر ئەمریکا هاوکاریی ناوەین هاوپەیمان ناودەوڵەتی و حکومەت سوریا و هیزەیل هەسەدە لە جەنگ دژ داعش لە سوریا باس بکەێد.

رێککەفتنەگە کە لە 10ی ئازار لە ناوەین سەرۆک شەرع و مەزلوم عەبدی واژوو کریا، چەن خاڵیگ لەناوی بوی، دیارترینیان یەکخستن گشت دامەزراوە مەدەنی و سەربازییەیل باکوور خورهەڵات سوریا وەرد ئیدارەی دەوڵەت سوریا، لەوانە دەروازە سنوورییەیل و فڕۆکەخانە و کێڵگە نەفتی و گازییەیل.

هەرلیوا، لە رێککەفتنەگە هاتگە کە پێکهاتەی کورد وە "بەشیگ دانەوڕیاگ لە دەوڵەت سوریا" هەژمار بکرێد و "مافە دەستوورییە تەواوەیلی دەسەوەر بکرێد". و دووپاتیش لەبان "رەتکردن بانگەواز بەشەوبوین، قسەی زبر و تەقەلای دروسکردن ناتەبایی ناوەین پێکهاتەیل کۆمەڵگەی سوریا" کردگە.