شەفەق نیوز/ دەزگای دژەتیرۆر لە هەرێم کوردستان، ئمڕوو دووشەممە، کوشیان سەرکردەیگ لە پەکەکە وە گورز تورکیا لە قەزای شنگال راگەیان.
دەزگاگە لە بەیاننامەیگ رەسیە ئاژانس شەفەق نیوز وت: لە ساعەت 12:10 فڕۆکەیگ بیفڕۆکەوان تورکی ماشینیگ ئەرا چەمدارەی یەپەشە لە کۆمەڵگەی خان سوور سەروە قەزای شنگال کردە ئامانج، و بویە هوکار کوشیان سەرکردەیگ و دوو ئەندام حزبەگە.
وەرجەیە، سەرچەوەیگ ئەمنی ئەرا ئاژانس شەفەق نیوز وت: ماشینیگ ئەندامەیل پەکەکە لەناوی بوینە، کەفتە وەر گورزیگ وەلایەن فڕۆکەیگ بیفڕۆکەوان تورکی لە باکوور قەزای شنگال.