شەفەق نیوز/ دەزگای دژە تیرۆر هەرێم کوردستان، ئمڕوو دووشەممە، دووپاتکرد لە زەخمداربوین دوو ئەندام پەکەکە وە گورزیگ تورکیا لە وە ئامانج گردن ماشنیگ کە لەناوی بوینە لە قەزای شەنگال.
دەزگاگە لە بەیاننامەیگ رەسیە ئاژانس شەفەق نیوز وت، "وەپای زانیاریەیل دەزگای دژە تیرۆر کوردستان، درۆنیگ سەر وە سووپای تورکیا پەلامار ماشینگ دایە کە ئەندامەیل پەککە لەناوی بوینە لە قەزای شەنگال و تل قەسب لە ساعەت 11:10 شەوەکی ئمڕوو".
وتیش " وەپای زانیاریەیل سێ کەس لەناو ماشینەگە بوینە دوانیان تویش زەخمداری سەختیگ هاتنە".
لەسەرچەوەیگ لەپۆلیس نەینەوا وەرجە یە ئەرا ئاژانس شەفەق نیوز وت: ئەو گورز ئاسمانیە ماشینیگ مەدەنی مارکەی تۆسان کردە ئامانج، سێ کەس ئێزدی لەناوی بوینە، مەزەنە کریەێد پەکەکە بوون، ئەوەیش لەبان ری ناوەین تەل قەسەب و قەزای شنگال خوەرئاوای موسڵ.
وتیش: زەخمدارەیل ئەرا خەسەخانە بریان، و دیار نییە ئەگەر کوشیان هاناویان.