شەفەق نیوز/ دەزگای دژە تیرۆر لە هەرێم کوردستان، ئمڕوو جمعە، دووپات کرد لە کوشیان وەرپرسیگ لە پەکەکە و رانندەی و یاوەری وە فڕۆکەیگ بێفڕۆکەوان تورک لە سلێمانی.
دەزگاگە لە بەیاننامەیگ رەسیە ئاژانس شەفەق نیوز وت: لە ساعەت ١١ی شەوەکی ئمڕوو، فڕۆکەیگ بێفڕۆکەوان سوپای تورکیا ماشینیگ کردە ئامانج کە وەرپرسیگ پەکەکە هەڵگردوێد، لە نزیک ئاوای تەپە ڕەش لە قەزای سەید سادق لە سلێمانی.
دیاری کرد کە پەلامارەگە بویە هوکار کوشیان وەرپرسەگەی پەکەکە و رانندەگە و یاوەریگ وەگەردی و سزیان ماشینەگە وەتەواوی.
وەرجەیە، ماشینیگ لە قەزای سەید سادق وەگورەی زانیارییەیلیگ رەسینە ئاژانس شەفەق نیوز کەفتەوەر پەلاماریگ ئاسمانی نادیار.
هیزەیل ئەمنی و تیمەیل وەرگری شارستانی روی وەرەو شوین رویداوەگە کردن.