شەفەق نیوز/ دەزگای دژەتیرۆر لە هەرێم کوردستان، ئمڕوو یەکشەممە، راگەیان شوینەیلیگ پێشمەرگە وکامپیگ ئەرا هیزەیل تورکیا کەفتنە وەر پەلامار مووشەکی، لەو ناوچەیلە وەشیان ک کەفنە ژیر دەس حکومەت فیدراڵی و میلیشیایل لەبانی زاڵن.
دەزگاگە لە بەیاننامیگ رەسیە ئاژانس شەفەق نیوز وت: گورزەگە لە ساعەت ٢:٣٠ دویای نیمەڕو ئمڕوو وە چوار مووشەک لە سنوور ناوبەین مەرز حەی تەحریر باکوور مووسڵ ومەرز بەعشیقە وەشیان ک هاژیر دەسەڵات حکومەت عراق وئەو ناوچەیلە میلیشیایل لەبانی زاڵن.
بەیاننامەگە وتیش: مووشەکەیل ئەرا شوینەیل هیزەیل پێشمەرگەی کوردستان وکامپ زیلەکان لە ناحیەی بەعشیقە سەروە پارێزگای نەینەوا ک هیزەیل تورکیا هانە ناوی وەشیانە.
و دیاری کرد ک مووشەکەیل لەنزیک فەوج دویەم لیوای ١١٢ی هیزەیل پێشمەرگە کەفتن، ودووان لە نزیک ئاوای کەداد سەروە ناحیەی بەعشیقە نزیک کامپ زیلەکان سەروە سوپای تورکیا کەفتن، ودووپات کرد ک هویچ زەرەردیگ گیانی یا دارایی لەلی نەویەو.
وەرجەیە، محمد ئەمین وەڕیەوبەر ناحیەی زیلەکان ئەرا ئاژانس شەفەق نیوز وت: کامپ زیلەکان ک هیزەیل تورکیا هانە ناوی کەفتە وەر پەلاماریگ مووشەکی.