شەفەق نيوز - دهۆك / زاخۆ 

دەزگای دژە تیرۆر لە هەرێم کوردستان، شەوەکی ئمڕوو چوارشەممە، خەوەردا کە چوار درۆن بومبی وە پەلامارەیلیگ جیاجیا سێ کێڵگەی نەفت لە ئیدارەی ناوچەی سەروەخوەیی زاخۆ و پارێزگای دهۆک دان.

دەزگاگە لە بەیاننامەیگ وت: لە ساعەت 6:00 و 6:15 شەوەکی، دوو فرۆکەیل بێفڕۆکەوان بومبی پەلامار کێڵگەی نەفت DNO لە بيشخابور سەروە ئیدارەی سەروەخوەیی داخۆ دان.

هەمیش لە ساعەت 

7:00 وە کێزنبگ بومبی کێڵگەی نەفت کۆمپانیای DNO لە طاوكی سەروە ئیدارەی سەروەخوەیی زاخۆ کەفتە وەر پەلاماریگ، وەبی زەرەد گیانی.

لە بەیاننامەیگ ترەک، دەزگاگە وت: لە ساعەت 7:14 شەوەکی درۆنیگ بومبی پەلامار کێڵگەی "هاند ئۆيڵ" ئەمریکی دا لە ناوچەی "باعدری" سەروە قەزای شێخان لە پارێزگای دهۆک، دووپاتیش کرد کە هیچ قوربانییگ یا زەرەدیگ لەو پەلامارە نەویەو.

 پیرەکە دووشەممە و دویەکە سێشەممە کێڵگەیل نەفتی خورمالە و سەرسەنگ لە هەولێر و دهۆك کەفتنە وەر پەلامارەیلیگ جیاجیا وە درۆنەیل لەبان، وەبی خەفتن قوربانی، وەگورەی وەزارەت سامانەیل سروشتی لە هەرێم کوردستان.