شەفەق نیوز/ دامەزراو "لوتكه" ک پەیوەنیدارە وە باوەت کووچبەرەیل لە عراق، ئمڕوو پەنجشەممە، راگەیان دۊیاترین ئامار قوربانیەیل نقومبۊن بەلەم کووچبەرەیلە لە باکوور فەرەنسا، لەمەوقەی تەقەلایان ئەرا رەدبۊین وەرەو کناراوەیل بەریتانیا.
دامەزارەگە لیستیگ بڵاو کرد ک دۊیاترین لیستە وە قوربانیەیل ئەو بەلەمە ک لە دەریای مانش نقومبۊی هەنای خوازین لە فەرەنسا وەرەو بەریتانیا رەد بوون، ئەو لیستە ١٦ هاووڵاتی لە هەرێم کوردستان نشان دا، و دیاری کرد ک ئەوەسا شەفەق رووژ جمعە تەرمەیلیان وەڕی فڕۆکەخانەی ناودەڵەتی هەولێر رەسنە هەرێم کوردستان.
لیستەگە تا ئیسە ١٩ ناو هاناوی، ١٧ لەلاین پەیا کریاگە، ک یەکیگیان خەڵک ئیرانە و تەرمەگەی رەسیە وڵات خوەی.