شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، وەگەرد مەحمود مەشهەدانی سەرۆک ئەنجومەن نوێنەرەیل عراق، باس گرنگی ئەنجامدان یاسای بودجە کرد، وەگەرد باوەتەیلیگ پەیوەندی وە یاسای گلەوداین زەوییەیل ئەرا خاوەنیان لە کەرکوک، و چارەکردن باوەتەیل دارایی گیرهاتگ وەرد کوردستان.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، وەرد مەحمود مەشهەدانی سەرۆک پەرلەمان عراق گردەو بوی، و لە دیدارەگە باس دویاترین گەشەیل سیاسی لە عراق، و پەیوەندییەیل ناوەین حکومەت فیدراڵی و حکومەت هەرێم کوردستان، ز گرنگی ئاسانکردن ئەنجامدان یاسای بودجەی گشتی عراق، جویر گامیگ ئەرا چارەکردن باوەتەیل دارایی گیرهاتگ ناوەین بەغداد و هەولێر.
وتیش: هەمیش باس یاسای گلەوداین زەوییەیل و عەقارەیل زەفتکریای لە هاوڵاتیەیل لە سەردەم وەرین، دیاری کرد کە بارزانی دەسخوەشی لە رۆڵ مەشهەدانی کرد ئەرا کارکردن لە ئەنجامدان راسەوکردن یاسایی کە دەسمیەتی لە چارەکردن باوەتەیل دارایی گیرهاتگ هەرێم کوردستان دەن، و مسۆگەرکردن ماف گشت عراقیەیل، و دووپات لە گرنگی وەردەوامی هەماهەنگی ناوەین هەولێر و بەغدا کرد، وەشیوەیگ ئارامی دارایی و ئابووری ئەرا عراق بارێدە جی.
هەمیش وت: بارزانی ئافەرین لە پایەی مەشهەدانی کرد جویر یەکیگ لە کەسایەتیەیل یاسایی ناودار لە عراق، کە وە قۆناغەیل سیاسی جویراجویر رەد بویە، کە فامستن قویلیگ ئەرا سەختیەیل نیشتمانی وەپی بەخشینەر و دەسمیەتی لە پاڵپشتیکردن توانای ئەرا پەیاکردن چارەسەری گونجیاگ ئەرا گیچەڵەیل داگە، و دووپات کرد کە هەردوگ لایەن لە دیدارەگە دووپات لە گرنگی وەردەوامی گفتوگۆ، و لەیەکفامسنن ناوەین هیزەیل سیاسی لە عراق کرد، ئەرا وەدەسهاوردن ئارامی و هەماهەنگی نیشتمانی.