شەفەق نیوز - هەولێر
لە چوارچیوەی تەقەلایەیل ناوخۆیی و ناودەوڵەتی و ناوبژیوانییە سیاسییەیل، هەردوگ مەکتەب سیاسی یەکێتی نیشتمانی کوردستان و پارت دیموکرات کوردستان، یەکەم گردەوبوین خوەیان لە شار هەولێر بەسن دۊای ئەو ئاڵۆزییە سیاسییە کە رۊدا لەئەنجام بەسیان دانیشتنیگ ئەرا پەرلەمان کوردستان و هەڵوژاردن دەسەی سەرۆکایەتی.
لە وەخت ئامادەکردن ئی خەوەرە، هەردوگ نویسینگەی سیاسی حیزبەیل لە بارەگای نویسینگەی سیاسی یەکێتی نیشتمانی کوردستان لە شار هەولێر کردەوە بوون.
لە لای خوەیەو، ئەندام سەرکردایەتی یەکێتی نیشتمانی کوردستان، رێباز بێرکۆتی، لە لێدوانیگ ئەرا ئاژانس شەفەق نیوز وت کە بەسانن ئی دیدارە هاتە ئەنجام زنجیرەیگ لە دەسپێشخەری و ناوبژیوانییە ناوخۆیی و ناودەوڵەتییەیل بیجگە لە تەقەلای دووسەیل، وە دووپاتکردن ئەوەگ چەوپیکەفتنەگە ئامانجی تاوانن یەخ لە ناوەین هەردوگ لایەن سیاسییەگە و گلەوداینیان ئەرا مێز گفتوگۆ ئەرا چارەسەرکردن کێشە هەڵپەسریاگەیل، وە تایوەت دۆسیەی پەرلەمان کوردستان، و دروسکردن کابینەی حکومەت نوو هەرێم کوردستان.
لە لاییگ ترەک ئاشکرا کرد کە دیدارەگە کەفێدە ژیر هەڵسەنگاندن تا بوودە خوەشکردن ری ئەرا گردەوبوینەیل دۊاتریگ، وەرد ئەگەر بەسانن گردەوبوین لوتکە لە ناوەین هەردوگ سەرکردایەتی یەکێتی نیشتمانی و پارت دیموکرات کوردستان لە ماوەی نزیک ئایەندە.
وەپەی زانیارییەیل ئاژانس شەفەق نیوز، ئی چەوپیکەفتنە تەنیا لەبان ئەندامەیل هەردوگ مەکتەب سیاسی لایەنەیلە سنووردار کریەێد، وەبێ مکیسکردن هیچ دەزگایگ راگەیانن ئەرا رووماڵکردن رەوت دیدارەگە.