شەفەق نیوز/ وەڕێەوبەرایەتی کەشناسی و چەودێری زەۊلەرزە لە هەرێم کوردستان راگەیان؛ لەماوەی 24 ساعات گوزەشتە ناوچەی (حاجی عومران) نزمترین پلەی گەرمی توومارکرد.   وەگورەی ئەو خشتە وەڕێەوبەرایەتیەگە ئمڕوو بڵاویکردیە وت، ناوچەی (حاجی عومران) ناوچەی هاوسنووی ئیران  5- پلە لە ژیر پلەی سەدی و ناوچەی بازیان 2- توومارکردیە.    

پسپۆر کەشناسی سادق عەتیە لە گوزەشتە راگەیان شەوەکی ئمڕوو کۆتایی وە شەپ سەردی تیەێد وەگەرد بەرزونزمی لە پلەیل گەرمی عراق.  عەتیە لە بڵاوکردنیگ لەبان تووڕ کۆمەڵایەتی وت: " لە دۊای دۊا شەپۆل مەزەنەی شەپیگ سەردی لە ئایندە نییە".  

وتیش، " لەی ماوە بەرز و نزمی سادەیگ لە پلەی گەرمی بوود هۊچ شەپولیگ سەردی نیەتیەێد وە فەرمی کۆتایی هات." 

عراق لەی رووژەیل دۊاییەداوەزین وەرچەویگ لە پلەیل گەرمی وە خوەی دی رەسیە ژیر پلەی سفر  سەدی وەگەرد وەفروارین لە ناوچەیل هەرێم کوردستان.