شه‌فه‌ق نيوز/ ده‌زگاى خێرخوازى بارزانى، ئاشكراى قه‌واره‌ى ئه‌و ده‌سميه‌ته‌يله كرد ك پيشكه‌ش وه خيزانه‌يل نه‌دار و كه‌مده‌رامه‌ت كريانه له هه‌رێم كوردستان له‌ساى قه‌يران كۆرۆنا و قه‌يه‌غه‌ى هاتوچوو.
له‌ى باوه‌ته‌و، مووسا ئه‌حمه‌د سه‌رۆك ده‌زگاى خێرخوازى بارزانى له كۆنگره‌يگ رووژنامه‌گه‌رى وت: ده‌سميه‌ت پيشكه‌ش وه زياتر له 37 هه‌زار خيزان كرياگه له‌ڕێ خه‌ت گه‌رم، و باس له‌وه‌يش كرد تائيسه زياتر له 45 هه‌زار په‌يوه‌ندى وه‌پيمان ره‌سيه.
ئه‌حمه‌د ئاماژه وه‌يه‌يش كرد ئه‌و ده‌سميه‌ته‌يله ره‌سيانه‌سه زوورم قه‌زا و ناحيه‌يل له هه‌رێم كوردستان و له چه‌ن ناوچه‌يگيش ره‌سيه‌سه ئاوايه‌يل و وت: ئيمه جياوازى ناكه‌يم له‌ناونى مه‌ردم چ له‌نيشته‌جى هه‌رێم يا ئاواره‌و په‌نابه‌ر بدێ له هه‌رێم.