ئارەش پالیزبان لەی باوەتە لەناو ماڵپەڕەیل سۆشیال میدیا نویسان:
گوزارشێ دە ئەوڕێ‌خسن یەکمین دەورەێ ئامووژیاری ڕێنۊس کوردی
دۊماێ ئەونان دەبیرخانەێ زوان و ئەدەبیات کوردی ئیلام، ئەوەڵ گامێ گ ئەڵگرتیم، ئەوڕێ‌خسن ئەنجومەن شێعر و ئەدەب "بەێان" بۊ. بەختەوەرانە ئێ ئەنجومەنە وە حزوور و بۊن شاعرەێل ئوستاد و ئەڵکەفتگ و خوەش‌نام ئیلام، ئەوڕێ کەفت و یە قەێرێگە قەڵب شێعر و ئەدەب ئوستان دە ئێ ئەنجومەنە ڕپێ.
دوێمین گام بنەوائیمان کە ئاوەخت گیشت بۊ، ئەوڕێ خسن دەورەێ ئامووژیاری ڕێنۊس کوردی بۊ. ئێ بار سه‌ینه دووسەێلمان دە دەبیرخانە ئەوکووڵ م نان. دە ڕسانەێل جووراجوور ئاگاداری ئەڕا ئەوڕێ‌خسن ئێ دەورە دایمن و بڕ چەمگیرێ ئەڕا ئێ دەورە نام نۊسانن. خاسی ئەوە بۊ زوورم، زاڕوەێل و جوانەێل بەشداری کردۊن؛ هەم دۊەت هەم کوڕ.
کڵاس دە ڕووژەێلێ گ دیاری کریاۊن بەرگوزار بۊ. حاسڵ کار ئەوە بۊ کە ئەوانەگ دە ئێ دەورە بۊان، دە ئاخر دەورە تۊەنسن کوردی بنۊسن و کوردی بخوەنن و وە پاڵپێشتی ئێ ئەوگرتنە، بتۊەنن دە ئەنجومەنەێل ئەدەبی و ڕسانەێل کوردی حزوور داشتوون.
دە ئێ دەورە چێشتەێل فریەێ هاتە دەسمان ک ئەڕا دەورەێ تر دە ئێ تەجربە‌یله ئستفادە کەیمن.
گەواهی ئاخر دەورە پێشکەش ئەوگرەێل ئێ دەورە دووگ و ئمێدمان یەسە دەورەێل تەکمیلی ئەوڕێ بخەیمن و ئێ کارە دە دریژای ساڵ ئدامە داشتوو.
دە ئەوانەگ دە ئێ کاره دەس‌مێەتمان دانە دە قوڕن دڵەو قەێرزانیم و دەسخوەشی ئۊشیم ؛ دە ئدارەێ ئرشاد و فەهەنگ ئسڵامی ئیلام، دە دووسەێل ئەنجومەن بەێان، دە خاونەێل ڕسانە و دە هەرکە گ وە هەرجوور هامێارمان بۊه.