{{ day }}-{{ month }}-{{ year }}
{{ hourTwoDigit }}:{{ minuteTwoDigit }}
شەفەق نیوز/ سەرچەوەیگ ئەمنی، ئمڕوو دووشەممە، خەوەردا ک دوێەتیگ ئەیزیدی لەناو چادرەگەی خوەی لە کامپ ئاوارەیگ لە خوەرهەڵات پارێزگای دهۆک خوەی کوشت.
سەرچەوەگە ئەرا ئاژانس شەفەق نیوز وت: دوێەتەگە هالە تەمەن ٢٢ ساڵان، و شەوەکی ئمڕوو تەرمەگەی لەناو کامپ ئاسیان لە قەزای شێخان دینەو، وتیش؛ تەرم دوێەتەگە ئەرا بەش پزشک دادوەری لە خەسەخانەی ئازادی لە پارێزگای دهۆک بریا.
سەرچەوەگە دیاریکرد ک دوێەتەگە خوەی و خیزانەگەی لە کۆمەڵگای سیبا شیخدار لە باشوور قەزای شەنگال لە دویای داگیرکردن داعش ئەرا ناوچەیل ئەیزیدیەگان لە ساڵ ٢٠١٤ ئاوارە بوین.