شەفەق نیوز/ دەسڵاتدارەیل ئەمنی لە هەرێم کوردستان، ئمڕوو یەکشەممە، خەوەردا لە خوەیکوشتن دۊیت گەنجیگ لە گەرمیان، وەگەرد مردن کەسیگ و زەخمداری براگەی لەوەر گرفت کۆمەڵایەتیگ لە دهۆک.    

پۆلیس ئیدارەی گەرمیان لە بەیاننامەیگ رەسییە ئاژانس شەفەق نیوز باسکرد، " دۊیت گەنجیگ 15 ساڵان لە ناوچەی " لواگە" سەر وە قەزای کەلار وە گولە  کۆتایی وە ژیان خوەی هاورد، ئەرا خەسخانە کلکریاگە باوجی وەرجە ررەسینی گیانی لەدەسدا.    

پۆلیس وتیش، کردەوەی خوەیکوشیەگە وە تفەنگ باوگی ئەنجام دریایە دۊیتەگە گولەیگ لەخوەی داگە، وتیش؛ دۊیتەگە هۊیچ گرفتیگ کۆمەڵایەتی یا دەروونی نەداشتیە.    

هەر لەو باوەتیەیلە پۆلیس دهۆک لە بەیاننامەیگ رەسیە ئاژانس شەفەق نیوز وت، گرفت کەفتیەسە مابەین دو خێزان هاوسای لە ناوەن قەزای بەردە رەش ئیوارەی ئمڕوو، کوشیان  پیاویگ 35 ساڵە و زەخمداری براگەی لەلی کەفتەو.    

ئاشکەرا کرد ک " پۆلیس قەزاگە دەورەی شۊنەگە دانە دەسکردنە وە لێکۆلێنەوە لە رووداوەگە و هووکارەیل ناکۆکی مابەێن دوو خێزانەگە.