شەفەق نيوز/ پارت کرێکاران کوردستان، ئمڕوو دووشەممە، بڕیار هەڵوشانن خوەی دا، و وازهاوردن لە جەنگ چەکدار، دویای 40 ساڵ لە جەنگ وەرد تورکیا.

ئاژانس "فورات" نزیک لە حزبەگە هویردەکاریەیل بەیاننامەگەی پەکەکە بڵاو کرد کە ئاژانس شەفەق نیوز لەلی ئاگادار بوی کە وت: حزبەگە بڕیار هەڵوەشانن خوەی دا و کۆتاییهاوردن وە جەنگ چەکدار وەرۆ تورکیا، وتیش: پەیوەندییەیل تورکیا و کورد دووارە دروسکردن خوازێد.

 بەیانامەگە وتیش: حزبەگە نووڕێد کە حزبەیل سیاسی کورد ئەوەسا وەرپرسایەتی خوەیان رانن ئەرا بەرزکردن دیموکڕاسی کوردی و مسۆگەرکردن دروسبوین نەتەوەیگ کورد دیموکراتیخواز.

وتیش: ئەوان ئەرک میژوویی خوەیان ئەنجام دان.

دویای چوار دەیە لە جەنگیگ کە گیان چل هەزار کەس سەن، بڕیار حزبەگە لە وەڵامدان مکیس ریبەری عەبدوڵلا ئۆجەلان لە شوبات گوزەشتە وە داوای وازهاوردن لە چەک هات.

ئۆجەلان کە لە ساڵ 1999ەو زیندانی هەمیشەیی وەسەر بەێد، لە پەیامیگ لەڕی پەرلەمانتارەیلیگ لە پارت گەلەیل ئەرا دادپەروەری و دیموکراتی کە پشتگیری کورد کەێد، و سەردانی کردن لە زیندان، فەرمان ئەرا گشت گرووپەیل چەکدار وە وازهازردن لە چەک و هەڵوەشانن حزبەگە کلکرد.