شەفەق نیوز/ له ویلایه‌ت تێنێس ئه‌مه‌ریكا خوەنستن زوان كوردی فه‌رمی كریا و لە مەکتەو ناوەندی و دواناوەنی خوەنرێد، وانەی زمان کوردی بوودە بەشێگ لەو وانەێلە ک قوتابیەێل ئازادن لە هەڵوژاردن هووکارەبۊینی.
له مانگ ته‌مموز 2017، نه‌وزاد هه‌ورامی، ك ئه‌ندام وه‌ڕێوبه‌ر ناوه‌ند سه‌ڵاحه‌ددینه له شار ناشڤیل ویلایه‌ت تێنێس ئه‌مه‌ریكا هه‌وڵ داگە ئەرا ئه‌وه‌ی زوان كوردی بكرێدە فه‌رمی و له مەکتەو هاوشان زمانه فه‌رمییەێلە بخوەنرێد.
دۆمای تاوتوێكردن داواكاریەگە، له مانگ ئازار 2019، ئەنجوومەن مەکتەو ناشڤیل، كه لەوەر فرە بۊین ره‌وه‌ند كورد وە "کوردستان بۊیچگ" ئه‌مه‌ریكا ناسریاگه، بڕیاردا له چه‌ن مەکەتەوێگ شاره‌گە زوان كوردی جوور زمانه‌ێل ئیسپانی، فه‌ره‌نسی و چه‌ن زمانێگتر بیانی، بوودە وانه‌یێگ فه‌رمیی و بخوەنرێد.
دۊایی پێشنیازەگە کلکردنە ئەنجوومەن پەروەردەی شار، لە کۆتایی ئەو ساڵە وەزارەت پەروردەوی ولایەت تێنێس خوازینەیلە پەسەن کرد و داوا لە ناوەنی سەڵاحەددین کردن، ئەرا داڕشتن وانەێل خوەنستن زوان کوردی هاوکاریان بکەێد.
له 2020 تۊێنستن ناو 75 مناڵ قەێت بکەن ئەرا ئه‌وه‌گ وه كوردی بخوەنن، باواجی لەوەر كۆرۆنا پرۆسه‌گه ده‌سوەپی نه‌كرد.
ئه‌مساڵ له 20ی تشرینی یه‌كه‌م 2021، وه ئاماده‌بۊن 15 قوتابی كورد، ك خێزانه‌ێلیان ئاماده‌بۊینە منداڵه‌ێلیان بخه‌نه وه‌ر خوەنستن كوردی پرۆسەگە دەس کرد وەپی. ئیسە زمان کوردی یەکێگە لە زمانە گرینگەێل وەزارەت دەرەوەی ئەمریکا و لە ریزبەنی زمانە بیانییەێل ئەو وەزارەتە پلەی 11هەمین دیرێد.