شەفەق نیوز/ شمارەیگ لە خوەنەوارەیل پۆل نۆیەم و دوانزەیەم لە سلێمانی، ئمڕوو چوارشەممە، خوەنیشاندان کردن لە نوای بینای وەڕێوەبەرایەتی پەروەردەی خوەرئاوای پارێزگاگە، داوای کەمکردن مەنهەج خوەنین و درویژکردن وەخت ساڵ خوەنین کردن.
نەسرین محەمەد یەکیگە لە خوەنەوارەیل وە ئاژانس شەفەق نیوز وت، ساڵ خوەنستن لە رووژ هەشت تەشرین یەکەم دەسوەپی کردیەو زیاتر لە مانگیگ لەبانی رەدبوود لەبان هەشمار مەنهەج خوەنستن و وەخت وانەیل خوەنین، ئاشکەرایکرد وەخت وانەیل بویەسە ساعەت و نیمیگ ئیەش لە بەرژەوەنی خوەنەوار نییە چوینکە بەربەستیگ دروسکەێد ئەرا فامستن لە وانەیل.
خوەنەوار سوزان، لە گفتوگوی وەگەرد ئاژانس شەفەق نیوز داواکەێد، وەزارەت پەروەردە ئەرا ئمساڵ خوەنستن مەنهەج کەمەو بکەێد ئەرا قۆناغەیل کۆتایی یان درویژە وە ساڵ خوەنستنەگە بدەێد تا ئیمە وە شیوەی سروشتیگ بچینە ناو تاقیکردنەوەیل کۆتایی.
مامووسایەل سلێمانی لە گوزەشتە وەرجە دەسکردن وە ساڵ خوەنین وەردەوام بوین لە مانگردنیان ئەرا ساڵ خوەنین نوو لەوەر خەرجنەکردن مووچەیلیان ئەرا زیاتر لە دوو مانگ.