شەفەق نیوز/ بڕیگ لە خوەنەوارەل زانکۆی چەرموو لە قەزای چەمچەماڵ، ئمڕوو دووشەممە، ری ناوبەین سلێمانی و پارێزگای کەرکوک بڕین، وەناڕەزایی لەبان ئەوە ک ناونشان فەرمانبەری وەپیان نەدریاگە.
دڵشاد کامەران یەکیگ لە خوەنەوارەیل زانکۆی چەرموو ئەرا پەیامنێر ئاژانس شەفەق نيوز وت: لە دیەکەو دەسکردنە ئی خوەینشاندانە لەبان ئەوە ک ناونشان دایای دەرچینیان لە زانکۆ فەرمانبەری وەپیان نەدریاگە، یەیش گرفت گەورەیگ ئەرایان دروس کەێد، چوینکە ری وە دامەزاننیان نێەێد ئەگەر وەگورەی پسپۆڕی ناونشان فەرمانبەری نەیاشتوون.
وتیش: چەن جاریگ قسە وەرد سەرۆکایەتی زانکۆگە ئەرا چارەکردن گرفتیان وەرد وەزارەت خوەنەوارەی باڵا لە هەرێم کوردستان بکەێد، باوجی هوێچ چارەیگ وەپیمان نەیان.
لەلای خوەییش خانمە خوەنوار هێڤین ئەحمەد وت: ئەوەسا لە خوەینیشاندان وەردەوام مینن تا داوای دەرچگەیل بەشەیل زانکۆیە وە ناونشان فەرمانبەری هەکاتی ئەو دەرچگەیل جیوەجی نەکەن.
جی باسە ک زانکۆی چەرموو لە سلێمانی ١٣ بەش دیرێد، باوجی نزیکەی ١٠ بەشی دەرچگەیلی ناونشان فەرمانبەری نەیرن.