شەفەق نیوز/ ئسماعیل کاوانی عەمید کۆلێژ یاسا لە زانکۆی سەڵاحەدین لە هەولێر، شەوەکی ئمڕوو سێشەممە، تویش زەخمداری بوود وەلایەن خوەنەواریگ لە کۆلیژەگە ک دەرکریابویە.
وەچەودیەیلیگ وە ئاژانس شەفەق نیوز وتن، وەرجە ماوەیگ ئی خوەنەوار دەرکریاگە هەڕەشە لە عەمیدەگە دایە، ئەرا ئەوەگ پەستان لەبانی لاوەێد تا دوارە دەوام بکەێد باوجی رەدی کردیە و داوای یاسایی لەبانی توومار کردیە، هیزەیل پۆلیس خوەنەوارەگە دەسگیر کردوین دویاجار وە کەفالەت ئازاد کریایە.
وتنیش،" ئمڕوو یەکەم رووژ دادگاییکردنی بویە باوجی لەجیای ئەوەگ بچوودە دادگا چوودە کۆلێژ یاسا لە پرسگە عەمید کۆلیژەگە دوینێد تەقە لەلی کەێد تویش زەخمداری کەێد و یەکیک لە فەرمانبەرەیل پرسگەگەیش زەخمدار کردیە.
پەیامنێر ئاژانسەگە وت ئیرەنگە پۆلیس لێکۆلینەوە دەسوەپی کردنە باوجی تاوانبارەگە تا ئیسە دەسگیر نەکریایە.