شەفەق نیوز/ دوو گەنج لە مەوقەی مەلەوانی لە ناحیەی خەلیفان سەروە قەزای سۆران باکوور پارێزگای هەولێر پایتەخت هەرێم کوردستان خنکیان.

یەکەم رووداوەگە لە چەم کەوە سیخوڕ لەناو ناحیەگە بوی هەنای گەنجیگ وەناو ( ر، ن، م) لە خەڵک پارێزگای هەولێر لە داڵگبوی ١٩٨٩ خنکیا، ک فەرمانبەر حکومەتیە و خاوەن ژن و دوو مناڵە.

خەڵکەگە تەرم خنکیایەگە لەناو ئاو چەمەگە دراوردن، و وەرەو پزشک دادوەری بریا.

لە رووداویگ هاوشیوە لە خود ناحیەگە، کەنجیگ وەناو (م، ص، د) لە داڵگبوی ١٩٩٨ کار وێنەگری کەێد، وەگەرد هاوڕیەیلی ئەرا ناوچەی شیروان مەزن هاتنە، و لە چەم (جامە مەلەوانی) خنکیا، و کەسەیلیگ تەرمەگەی دراوردن.

وەگورەی سەرچەوەیگ تەندروسی، قوربانیەگە خەڵک خەلیفانە و تەرمەکەی وەرەو پزشک دادوەری لە ناوچەی میرگەسور بریا.

جی باسە ک لە سەرتای ساڵ ٢٠٢١ تا ئیسە ٢٠ کەس لە ناحیەی خەلیفان وە خنکانن مردنە.