شەفەق نیوز/ کەسەیلیگ لە وەچەودیەیل، ئمڕوو شەممە، خەوەردان لە خوەینشاندان رانندەی بارهەڵگرەیل لە خاڵ گومرگ باوە مەحموی ناوەین پارێزگای سلێمانی و دیالە، ئەوەیش لەوەر وسیان ماشینەیلیان ئەرا ماوەی درویژیگ لە خاڵەگە.
ئەو کەسەیلە ئەرا ئاژانس شەفەق نیوز وتن: دەیان لە رانندەیل بارهەڵگرەیل بازرگانی کە وە بارەو لە هەرێم کوردستان هاتنە وەبان پارێزگای سلێمانی و شار کەلار، لە خاڵ گومرگ باوە مەحموی ناوەین کەلار و خانەقین ناڕەزایی کردن.
وتیش: ناڕەزایی خاوەن بارهەڵگرەیل لە ئەنجام دیرکەفتن و فشارەیل ئەمنی وەبانیان تیەێد مەوقەی رەدبوینیان وەبان پارێزگای دیالەو وەرەو بەغدای پایتەخت، و ئەرا داواکاری ئاسانکردن جویلەیان.
شەفەق نیوز پارچە ڤیدیۆییگ لە یەکیگ لە رانندەیل بارهەڵگرەیل کەفتە دەسی، کە لە ناڕەزایەتی بەشداری کەێد، هەناێ وینەی رز بارهەڵگرە وسیاگەیل لە کەنار ریەگە کەێد، و داد لە دەس ئی دیرکەفتنە کەێد، و داوا لە لایەنەیل پەیوەندیدار کەێد ئی گیچەڵە چارەسەر بکەن.