سه‌رۆك ئه‌نجومه‌ن خانه‌قین (سه‌میر محه‌مه‌د نور) له لێدوانێگ ئه‌ڕا (شه‌فه‌ق نیوز) وتگه: لاێه‌نه‌یل په‌یوه‌ندیدار 253 داوای قه‌زایی پێشكه‌ش دادوه‌ر گشتی شار خانه‌قین كردنه ك تایبه‌ت وه ده‌سدرێژى ئه‌ڕا بان زه‌مینه‌یل ده‌وڵه‌تی و موڵكه‌یل شاره‌وانی و زه‌مینه‌یل كشتوكاڵین.
نور زیاتر وتگه: لایه‌نه‌یل چاودێرى و ده‌سپاكی وه‌رده‌وامن له كاره‌گانیان ئه‌ڕا ئاشكراكردن ده‌سدریژه‌یل و داینیان وه دادگا و ده‌سدريژیكردن ئه‌ڕا بان موڵكه‌یل گشتی وه جورێگ خه‌ته‌ر و گه‌ناته‌كاری (فه‌ساد) له قه‌له‌م داس ك ڕێ له ئه‌نجامداین پڕوژه‌یل خزمه‌تگوزاری ئه‌گرن.
باس ئه‌وه‌یش كردگه ك فریه له پڕوژه‌یل خزمه‌تگوزاری وه‌ل كیشه‌ێ خاوه‌نداریه‌تی و به‌شه‌و كردن زه‌مین وه‌گوره‌ێ یاساێ وه‌زاره‌گان ڕوێ وه ڕوێ بوێنه و له مه‌ردم شار خانه‌قین داوا كردگه پابه‌ند بوون وه یاسا و خوه‌یان دوێر بگرن له ده‌س درێژی كردن ئه‌ڕا بان موڵكه‌یل حكومی.
نور پشتگیری خوه‌ێشێ له هه‌ڵمه‌ته‌یل مه‌ده‌نی دژ وه دیارده‌ێ ده‌سدريژی كردن ئه‌ڕا بان ماڵ گشتی ده‌ربڕیه ك كیشه ئه‌ڕا ئداره‌ێ خانه‌قین دروس ئه‌كه‌ن.