لە بەیاننامەیگ سەرۆکایەتی هەرێم هاتییە، لەو کۆبوینەوە کە خانمە بالیۆز  ئەمریکی لەعراق کرد، دووپاتکریا لە پاراستن ماف مرۆڤ و ئەوزەڵداین وە ئازادی و دیموکراتی لە هەرێم کوردستان، هەمیش گفتوگوکریا لە رۆل رێکخریاگەیل ناحکومی لە کۆمەڵگە و پەنابەرەسل و ئاوارەیل و پێکهاتەیلە.

لە بەیاننامەگە وتیش هەردوگ لا هویروڕا ئاڵشتکردن لەباوەت بڕیگتێبینس و کەموکوڕی لە ئازادی و ماف مرۆڤ و  هاوڕابوین لەبان پێویستی وەردەوامبوینهاوکاری لایەنەیل پەیوەنیدار هەردووگ لا ئەرا خاسەوکردن ئێ مژارە لە هەرێم کوردستان، دووپاتکرد لەبان ئەوزەڵداین وە بەها هاوبەشەیل پاراستن ماف پێکهاتەیل ئاینی و نەتەوەیی.

خانمە یاریدەر وەزارەت دەرەوەی ئەمریکا دەسخوەشی  کرد لەو رووشنهویری و پێکەوەژیان و لێبوردەیی و فرەییە لە هەرم کوردستان هەس،  ئامادەکاری وڵاتەگەی نیشاندا ئەرا دەسمیەتیدان هەریم کوردستان لە ئەوزەڵداین وە مژارەیل ماف مرۆڤ،ئازادی و دیموکراتی و رۆل یاسا، راگەیان هەریم کوردستان هاوبەش گرنگیگە ئەرا وڵاتە یەکگرتگەیل ئەمریکا.

بارودۆخ ئێزیدیەیل و گرنگی رێککەفتن ناوەین حکومەت هەرم و حکومەت فیدڕاڵی لە ئاسایکردن بارودۆخ ژیان و گوزەران ئاوارەیل و پەنابەرەیل ناو کامپ تەوریگ ترەک بوی لە دیدارەگە.