شەفەق نیوز/ ئیدارەی خەسەخانەی سەربازی پیشمەرگە، ئمڕوو چوارشەممە، ئەنجامدان یەکەمین نەشتەرگەری لە وەخت دامەزراننی تا ئیسە راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: کادرەیل پزشکی لە خەسەخانەی سەربازی پیشمەرگە توەنستن یەکەمین نەشتەرگەری لە وەخت دامەزراننی تا ئیسە ئەنجام بیەن.
وتیش: ئی نەشتەرگەریە دویای سێ ساڵ لە پیشکەشکردن خزمەتگوزاری پزشکی ئەرا هیزەیل پیشمەرگە و کەسوکاریان تیەێد.
بەیاننامەگە وتیش: ئیرنگە کادرەیل پزشکی لە خەسەخانەگە توەنن نەشتەرگەری دەمار و ناوزگ و شکیان ئەنجام بیەن.
جی باسە ک خەسەخانەی پیشمەرگە لە ساڵ ٢٠١٩ واز کریا.